Բժշկական ապահովագրական ծառայությունը Արաբկիր ԲՀ-ում

qwfrfwqfr copy

Հարցերին պատասխանում է «Արաբկիր» ԲՀ Ապահովագրական եւ պայմանագրային հիվանդների սպասարկման ծառայության ղեկավար Քրիստինե Մովսեսյանը:

1. Ինչպե՞ս է կազմակերպվում  սպասարկումը, ներկայացրեք, խնդրեմ, բաժանմունքի ստեղծման պատմությունը և ընդհանուր նկարագրությունը:

Ապահովագրական եւ պայմանագրային հիվանդների սպասարկման ծառայությունը գործում է շուրջ տասը տարի եւ իրականացնում է բոլոր այն անձանց սպասարկումը, ովքեր ունեն բժշկական ապահովագրություն եւ ցանկանում են սպասարկվել «Արաբկիր» բժշկական համալիրում։ Ծառայության շրջանակում սպասարկվում են սոցփաթեթների շահառուներ, կատարվում են տարեկան բուժկանխարգելիչ հետազոտություններ։
Սպասարկումն իրականացվում է հետեւյալ կերպ. պացիենտը զանգահարում է ապահովագրական ընկերություն, հայտ է ներկայացնում, այնուհետեւ ապահովագրական ընկերությունը առցանց ուղարկում է ուղեգիրը, եւ մենք կազմակերպում ենք սպասարկումը։

2. Ովքե՞ր են գործընկերները:

Մենք համագործակցում ենք գրեթե բոլոր ապահովագրական ընկերությունների հետ, բայց հիմնական գործընկերներն են «Ինգո Արմենիա», «Նաիրի Ինշուրանս», «Ռոսգոսստրախ», «Գարանտ Ասիստանս», «Ռեսո» ապահովագրական ընկերությունները։

3. Ովքե՞ր կարող են դիմել:

Կարող են դիմել բոլոր այն անձինք, ովքեր ունեն բժշկական ապահովագրություն կամ այն կազմակերպությունների աշխատակիցները, որոնց հետ ունենք կորպորատիվ պայմանագիր:

4. Ապահովագրության շրջանակում կարո՞ղ են անցնել կանխարգելիչ հետազոտություն և խորհրդատվություն:

Իհարկե՛, եթե փաթեթի մեջ դա ներառված է կամ առկա է նման պայմանագիր:

5. Պե՞տք է զանգահարել ապահովագրական ընկերություն մինչև բժշկին դիմելը։

Պացիենտը նախևառաջ զանգահարում է ապահովագրական ընկերություն, հայտ է ներկայացնում, այնուհետեւ դիմում է մեզ։

6. Եթե պացիենտը բժշկական օգնության կարիք ունի և ապահովագրված է, արդյո՞ք պետք է նախապես հերթագրվի:

Հերթերում չսպասելու համար ցանկալի է նախապես հերթագրվել: Հերթագրումը կատարվում է ապահովագրական ընկերության եւ մեր օժանդակության արդյունքում։

7. Ինչպե՞ս վարվել շտապ դեպքերում:

Շտապ դեպքերում գործում է նույն կարգը։ Անհրաժեշտ է ընդամենը մեկ զանգ ապահովագրական ընկերություն։ Եթե դեպքը համընկել է ոչ աշխատանքային օրերին, ապա պացիենտի սպասարկումը կատարվում է առանց ուղեգրի` միայն հեռախոսազանգի միջոցով ստացած տեղեկատվությամբ։

9. Ի՞նչ կարգով է իրականացվում ցուցաբերված բժշկական օգնության դիմաց վճարումը:

Վճարումն իրականացնում է ապահովագրական ընկերությունը, պացիենտը հիմնականում ոչ մի վճար չի իրականացնում մեր հաստատությունում:

10. Պացիենտը կարո՞ղ է վճարովի հիմունքներով բուժում ստանալուց հետո կատարված վճարումների ՀԴՄ կտրոնները ներկայացնել ապահովագրական ընկերությանը՝ ծախսերի փոխհատուցում ստանալու համար:

Այո, կարող է ՀԴՄ կտրոնը ներկայացնել ապահովագրական ընկերություն, եթե նախքան վճարովի ծառայություն ստանալն ինչ-ինչ պատճառներով նախապես չի զանգահարել ապահովագրական ընկերություն: Այս տարբերակը նույնպես այն դեպքերում է գործում, եթե փաթեթը ներառում է տվյալ ծառայությունը։

11. Ու՞մ կարող են դիմել բողոքների դեպքում:

Բողոքների դեպքում պացիենտը կարող է դիմել ե՛ւ ապահովագրական ընկերությանը, ե՛ւ մեր ծառայությանը։

12. Լրացուցիչ տեղեկությունների համար ինչպե՞ս կապ հաստատել:

Լրացուցիչ տեղեկություններ ստանալու համար կարող են զանգահարել 010 23 32 32 հեռախոսահամարին:

14. Գործո՞ւմ է թեժ գիծ:

Թեժ գիծ չի գործում։