Օրթոպեդիայի և վնասվածքաբանության ծառայություն

Օրթոպեդիայի և վնասվածքաբանության ծառայություն

«Արաբկիր» բժշկական համալիրում օրթոպեդիայի և վնասվածքաբանության բաժանմունքը հիմնադրվել է 2007 թվականին: Բաժանմունքի հիմնական թիմը տեղափոխվել է Համալսարանական թիվ 1 հիվանդանոցից: Հիմնադրման պահին բաժանմունքն ուներ ծառայության ղեկավար և 3 բժիշկ-օրդինատոր:
2007 թվականից առայսօր օրթոպեդիայի և վնասվածքաբանության բաժանմունքը գործում է «Արաբկիր» ԲՀ տարածքում: Բաժանմունքն ունի 5 հիվանդասենյակ: Գործունեության 95%-ը մանկական օրթոպեդիկ վիրահատություններն են,  շատ քիչ ծավալ են կազմում վնասվածք ստացած պացիենտները` 5%:

Koloyan

Այստեղ իրականացվում են ինչպես ամբուլատոր, այնպես էլ ստացիոնար ծառայություններ: Մանկական օրթոպեդիկ խնդիրներով երեխաների մոտավորապես 60-70%-ը բուժվում են հենց այս բաժանմունքում: Բաժանմունքում յուրաքանչյուր տարի իրականացվում է մոտավորապես 320-330 պլանային վիրահատական միջամտություն, ամբուլատոր բուժվում կամ զննվում է 2500-3000 երեխա:

Վիրահատական միջամտություններ են իրականցվում բնածին արատների, ձեռքբերովի օրթոպեդիկ խնդիրների ժամանակ:

Մեծածավալ գործունեություն է իրականցվում նյարդաօրթոպեդիայի բնագավառում, որի շրջանակում բուժվում են մանկական ուղեղային կաթվածով և այլ նյարդաօրթոպեդիկ խնդիրներ ունեցող երեխաներ, ինչպես` օրինակ, ողնուղեղային ճողվածքներով պացինետները և այլն: Արաբկիր ԲՀ-ում բուժվող երեխաների շրջանում բավականին շատ են որևէ համախտանիշով տառապող երեխաները, որոնց մեջ մեծ տեղ են գրավում օրթոպեդիկ խնդիրները:

IMG_3376Ամենահաճախ հանդիպող օրթոպեդիկ ախտաբանություններից են կոնք-ազդրային հոդի բնածին արատը, հոդախախտն ու բնածին ծռաթաթությունը: Այս ուղղությամբ վերջին 10 տարիների ընթացքում կատարվել է մեծ աշխատանք: Բաժանմունքի մասնագետները վերապատրաստվել են Եվրոպայի և ԱՄՆ-ի բազմաթիվ առաջատար կլինիկաներում և նրանց նվիրված աշխատանքի շնորհիվ նոր մեթոդներ և տեխնոլոգիաներ են ներդրվել:

Հայաստանում «Ջինիշյան» հիմնադրամի աջակցությամբ իրականացվել է ուսումնական ծրագիր. «Կոնքազդրային հոդի զարգացող հոդախախտի ուլտրաձայնային ախտորոշումը» թեմայով: Կրթական ծրագրին մասնակցել է 40-ից ավելի բժիշկ, ովքեր աշխատում են ծննդատներում: Ներկայում շարունակական գործող այս ծրագիրը նպատակ ունի մեթոդը դարձնել համապետական սքրինինգ Հայաստանում: Այն կօգնի կոնք-ազդրային հոդի զարգացող հոդախախտի ախտորոշումը կատարել վաղ հասակում՝ նորածնային տարիքում, ինչն արդյունավետ կլինի նաև հետագա բուժման կազմակերպման համար:

Այդ փոփոխությունները, վիճակագրական առումով, ակնհայտ են: Ուղիղ 10 տարի առաջ ստացիոնարում բուժվող երեխաների թիվը տարեկան 25 էր: Այսօր կոնք-ազդրային հոդի բնածին հոդախախտով տարեկան բուժվում է 5-6 երեխա:

IMG_3397Տեղի մասնագետների կողմից հաջողվել է Հայաստանում ներդնել բնածին ծռաթաթության բուժման նոր վիրահատական մեթոդ, որն աշխարհում համարվում է ոսկե չափանիշ՝ դա Պոնսետիի մեթոդն է: Այս մեթոդի ներդրումը բերեց նրան, որ քիչ ագրեսիվ բուժման մեթոդով կարողանում ենք ունենալ անհամեմատ լավ արդյունքներ, որը համադրելի է զարգացած երկրների արդյունքներին:

Բաժանմունքում իր ուրույն տեղն ունի ողնաշարային վիրաբուժությունը: Այս տեսակի վիրահատական միջամտությունները կատարվում են արտերկրից (Ֆրանսիա, Շվեյցարիա) հրավիրված վիրաբույժների կողմից:

Վիրահատարանն իր հագեցվածությամբ համապատասխանում է եվրոպական կամ ամերիկյան օրթոպեդիկ վիրահատարաններին: Այստեղ կան վերջին սերնդի տեխնոլոգիաները, և նրանց որակը բավարարում է ճիշտ բուժօգնություն ցուցաբերելու համար:

Ներկայում անձնակազմում աշխատում է ծառայության ղեկավար Կարեն Ալեքսանի Քոլոյանը, բաժանմունքի վարիչ Վահե Վիկտորի Յավրյանը, 2 բժիշկ, 1 կլինիկական օրդինատոր և միջին բուժանձնակազմը:

IMG_3383Շատ ակտիվ գիտահետազոտական աշխատանքներ են իրականցվում՝ կապված վերոնշյալ ծրագրերի հետ: Վերջին 10 տարիների ընթացքում բաժանմունքն ունեցել է ակտիվ համագործակցություն շվեյցարական ու ավստրիական կլինիկաների և Այովայի համալսարանի (ԱՄՆ) հետ: Բաժանմունքի բժիշկներից 2-ը Եվրոպական մանկական օրթոպեդիկ ասոցացիայի անդամ են և ակտիվ մասնակցում են ամենամյա կոնգրեսներին: Բաժնի բժիշկների կողմից  մի քանի տասնյակ գիտական հոդվածներ կան տպագրված ինչպես տեղական, այնպես էլ արտասահմանյան գիտական ամսագրերում :

Օրթոպեդիայի և վնասվածքաբանության բաժանմունք կարող են դիմել 0-18 տարեկան երեխաներ ու նրանց ծնողները: Դիմելու համար ցանկալի է նախապես գրանցվել: «Արաբկիր» ԲՀ պաշտոնական կայքում նշված են հեռախոսահամարներ: Հերթագրումը կատարվում է մինչև 09:00-ից  մինչև 14:00:

 

ՄԵՐ ՄԱՍՆԱԳԵՏՆԵՐԸ

Karen_Koloyan_4 Կարեն Ալեքսանի Քոլոյան

ծառայության ղեկավար, բժշկական գիտությունների թեկնածու, Հյուսիսային Ամերիկայի մանկական օրթոպեդների միության (POSNA) թղթակիցանդամ, Եվրոպայի մանկական օրթոպեդների միության (EPOS) անդամ, Մանկաբուժական օրթոպեդիայի ամսագրի (JPO) և Երեխաների օրթոպեդիայի ամսագրի(JCO) խմբագրակազմի անդամ: 2000թ. Մանկական ուղեղային կաթվածի և զարգացման բժշկության ամերիկյան ակադեմիայի կողմից պարգևատրվել է Կեթլին Լայլ Մյուրեյի մրցանակով:

Vahe_Yavryan_3

Վահե Վիկտորի Յավրյան

մանկական վնասվածքաբան-օրթոպեդ, բաժնի վարիչ, Եվրոպայի մանկական օրթոպեդների միության (EPOS) անդամ, Եվրոպայի մանկական օրթոպեդների միության (EPOS) հավաստագրված վիրաբույժ:

 

 

Ադի Մհոյան
վնասվածքաբան-օրթոպեդ
Hamayak_Khachatryan_2

 

Հմայակ Լյուդվիգի Խաչատրյան

մանկական վնասվածքաբան-օրթոպեդ:

David_Abrahamyan_4

 

Դավիթ Օնիկի Աբրահամյան

ձեռքի և պլաստիկ վիրաբույժ-կոնսուլտանտ, բժշկական գիտությունների թեկնածու, ԲՆԿ նեոնատալսքրինինգի պատասխանատու, նեյրոմոնիթորինգի մասնագետ: