Ուրո-վիրաբուժություն

«Արաբկիր» ԲՀ-ԵԴԱԻ-ում մանկական վիրաբուժության ծառայությունը տրամադրում է բուժում և խնամք երեխաների, դեռահասների և մեծահասակների համար: Հանրապետության մակարդակով մանկական վիրաբուժության բաժանմունքը հանդիսանում է ուղեգրման կենտրոն անհետաձգելի վիրաբուժական միջամտություն պահանջող ուրոլոգիական և որովայնի խոռոչի օրգանների խնդիրների համար:  Այն միակն է Հայաստանում, որտեղ իրականացվում է երիկամի փոխպատավաստում թե´ երեխաների և թե´ մեծահասակների շրջանում: Երիկամի փոխպատվաստման ծրագիրը ղեկավարում է պրոֆեսոր Արա Բաբլոյանը: «Արաբկիր» ԲՀ-ԵԴԱԻ-ում գործում է նաև շուրջօրյա անհետաձգելի բժշկական օգնության ծառայություն:

ZN6A6634

Մանկական վիրաբուժության  բաժանմունքը ծառայություններ է տրամադրում հետևյալ խնդիրների համար`

  •  լեղուղիների աթրեզիա,
  •  լեղածորանի կիստա,
  •  անալ հատվածի և ուղիղ աղիքի զարգացման արատներ,
  •  նեկրոտիզացնող էնտերոկոլիտ,
  •  որովայնային  պատի զարգացման խանգարումներ,
  •  հիպերտրոֆիկ պիլորոստենոզ,
  •  որովայնի խոռոչի օրգանների` վիրաբուժական միջամտություն պահանջող խնդիրներ,
  •  աճուկային և պորտային ճողվածքներ,
  •  ապենդիցիտ,
  •  Հիրշպռունգի հիվանդություն,
  •  փայծաղի` վիրաբուժական միջամտություն պահանջող խնդիրներ,
  •  պորտալ հիպերտենզիա,
  •  որովայնի խոռոչի օրգանների վնասվածքներ,
  •  որովայնի խոռոչի օրգանների` անհետաձգելի վիրաբուժական միջամտություն պահանջող խնդիրներ,
  •  երիկամի փոխպատվաստում:

«Արաբկիր» Բժշկական Համալիր – Երեխաների և Դեռահասների Առողջության Ինստիտուտի ուրոլոգիայի ծառայությունը խնամք և բուժում է տրամադրում թե’ մեծահասակներին, և թե’ նորածիններին, երեխաներին և դեռահասներին:
Մարդկանց մոտ  տարածված է ունի այն թյուր կարծիքը, թե ուրոլոգիական խնդիրներ են ունենում բացառապես տղաները կամ տղամարդիկ: Սակայն պետք է նշել, որ ուրոլոգիան զբաղվում է հավասարապես թե՛ արական, թե՛ իգական սեռի ներկայացուցիչների միզուղիների վիրաբուժական հիվանդություններով,ինչպես նաև տղամարդկանց սեռական (վերարտադրողական) օրգանների խնդիրներով:

“Արաբկիր” ԲՀ-ԵԴԱԻ ուրոլոգիայի ստորաբաժանման առաքելությունն է տրամադրել լիարժեք և մասնագիտորեն անաչառ ուրոլոգիական ծառայություններ՝  եվրոպական ու ամերիկյան ուրոլոգիական ընկերակցությունների կողմից հաստատված չափանիշներին և ապացուցողական բժշկության սկզբունքներին համապատասխան: “Արաբկիր” ԲՀ-ԵԴԱԻ  ուրոլոգիայի թիմն հատուկ ուշադրություն է դարձնում հնարավորինս փոքրածավալ վիրաբուժական միջամտությամբ բուժում ապահովելուն՝ ինչպես բնածին, այնպես էլ ձեռքբերովի ուրոլոգիական խնդիրների դեպքում: Այստեղ ուրոլոգները կանոնավոր կերպով վերապատրաստվում են Եվրոպայի և Հյուսիսային Ամերիկայի առաջատար բժշկական կենտրոններում և կուտակած փորձն ու հմտությունները հաջողությամբ կիրառում Հայաստանում: Ուրոլոգները սերտորեն համագործակցում են այլ բժիշկների հետ՝ բարդ խնդիրների դեպքում համալիր բուժումն ապահովելու նպատակով:

Գործունեություն

Քանի որ ուրոլոգիական խնդիրների լուծումը հաճախ ներառում է հոգեբանական, դեղորայքային և վիրաբուժական աշխատանքներ, համալիրում մենք լայնորեն կիրառում ենք հետևյալ հինգ բուժական միջոցները`

  •  զրույց և խորհրդատվություն` փոխադարձ լիակատար վստահության մթնոլորտում,
  •  դեղորայքային բուժում,
  •  բաց եղանակով կատարվող վիրահատություններ,
  •  էնդոսկոպիկ եղանակով ախտորոշում և վիրահատություններ,
  •  լապարոսկոպիկ եղանակով ախտորոշում և վիրահատություններ:

Համալիրում աշխատող փորձառու ուրոլոգները հմտորեն կիրառում են այս եղանակները թե’ առանձին,թե’ դրանք զուգորդելով` ըստ այցելուի կարիքների և խնդիրների: Նման մոտեցման շնորհիվ ապահովվում է բուժման հնարավոր լավագույն արդյունքը, հետևաբար` առողջության առավել վերականգնումն ու  պահպանումը: “Արաբկիր” ԲՀ-ԵԴԱԻ-ում Ձեզ կառաջարկվի ճիշտ այն բուժումը, որն անհրաժեշտ է լավագույն արդյունքն ապահովելու համար Ձեր խնդրի դեպքում, և ոչ թե այն,  «ինչ կարող է բժիշկը»:

uro

Նշենք նաև,  որ “Արաբկիր” Բժշկական Համալիրի մասնագետները լայնորեն կիրառում են բժշկության խոշորագույն նվաճումներից մեկը` լապարոսկոպիան միզասեռական համակարգի մի շարք հիվանդությունների բուժման համար` ցանկացած չափի և քանակության միա/երկկողմանի երիկամային կիստաներ, երիկամի հեռացում, երիկամի մասնահատում, քարերի հեռացում երիկամից, միզածորանից, միզապարկից, մակերիկամի հեռացում, շագանակագեղձի հեռացում չարորակ ուռուցքի հետևանքով(այսպես կոչված ռադիկալ պրոստատէկտոմիա) և այլն: Լապարոսկոպիայի առավելություններն են` վերքի բացակայությունը, շատ կարճ հոսպիտալիզացիա, ներհիվանդանոցային խնամք գրեթե չի պահանջվում, շատ արագ վերականգնումը և վերադարձը նորմալ գործունեությանը զուգակցվում են բաց վիրահատությունների առավելությունների հետ (խնդրի միանվագ և լիակատար լուծում, օրգանի և նրա վիճակի մանրամասն գնահատական, հետազոտություններով չհայտնաբերված խնդիրների բացահայտում և անմիջական լուծում, և այլն): Լապարոսկոպիան բժշկագիտության վերջին նվաճումներից մեկն է, որի ժամանակ վիրահատությունները կատարվում են երկու կամ երեք աննշան կտրվածքների միջով օրգանիզմի ներքին միջավայր մտցրած գործիքների և տեսախցիկի օգնությամբ:

Ուրոլոգիական միջամտությունների զգալի մասը մեծ հաջողությամբ իրականացվում է լապարոսկոպիկ եղանակով, ավանդական 15-ից 30 սմ կտրվածքների դարը թողնելով ետևում:

Անշուշտ, այսօր լավագույնը համարվող բուժման այլ եղանակները նույնպես կիրառվում են “Արաբկիր” Բժշկական Համալիրում, ինչպիսին է, օրինակ, շագանակագեղձի ադենոմայի կապակցությամբ կատարվող ներմիզուկային մասնահատումը կամ  հետին միզուկի կափյուրների ներմիզուկային հատումը (ռուսերեն` ТУР):

Այսպիսով, մեր գործունեության շրջանակներում կիրառվող ժամանակակից մոտեցումները, բացառիկ ուշադրությունը հիվանդի և նրա կարիքների նկատմամբ, բուժման բոլոր հնարավոր տարբերակների լայն կիրառումը գրավիչ են դարձնում “Արաբկիր” Բժշկական Համալիրը ինչպես հայաստանցիների, այնպես էլ մեր հանրապետության սահմաններից դուրս բնակվող հիվանդների համար:

Մասնագիտացման ոլորտներ

Ուրոլոգիայի մասին Ձեր պատկերացումն առավել հստակ և ամբողջական դարձնելու նպատակով՝ կներկայացնենք այն ուրոլոգիական խնդիրները, որոնք ախտորոշվում և բուժվում են “Արաբկիր” ԲՀ-ԵԴԱԻ-ում ըստ ենթախմբերի`

  •  մանկական ուրոլոգիա
  •  երիկամների և միզածորանների անոմալիաներ
  •  բնածին հիդրոնեֆրոզ ավազանամիզածորանային հատվածի նեղացման պատճառով
  •  միզապարկ-միզածորանային ռեֆլյուքս
  •  միզապարկի էքստրոֆիա
  •  հետին միզուկի կափյուրներ
  •  հիպոսպադիա
  •  կրիպտորխիզմ` ամորձիների բացակայությունը փոշտում
  •  միզասեռական համակարգի վնասվածքներ
  •  միզասեռական համակարգի նորագոյացություններ
  •  միզաքարային հիվանդություն
  •  անհետաձգելի վիրաբուժական միջամտություն պահանջող ուրոլոգիական խնդիրներ
  •  միզարձակության խանգարումներ
  •  միզապարկի նեյրոգեն ախտահարումներ
  •  երիկամի փոխպատվաստում
  •  մեծահասակների ուրոլոգիա
  •  միզասեռական համակարգի օնկոլոգիական հիվանդություններ, այսինքն` երիկամների, միզապարկի, շագանակագեղձի, ամորձիների չարորակ նորագոյացություններ,
  •   տղամարդկանց ստորին միզուղիների հիվանդություններ, այդ թվում` շագանակագեղձի ադենոմա (շագանակագեղձի բարորակ գերաճ), միզուկի նեղացումներ, ամորձիների ջրգողություն,
  •  միզաքարային հիվանդություն`  միզասեռական համակարգի տարբեր հատվածներում առաջացած քարեր, սկսյալ երիկամներից մինչև շագանակագեղձ,
  •  երիկամների հիվանդություններ. կիստաներ, կնճռոտում, հիդրոնեֆրոզ` ավազան-միզածորանային հատվածի նեղացման հետևանքով, բարորակ նորագոյացություններ,
  •  միզասեռական համակարգի սպեցիֆիկ և ոչ սպեցիֆիկ վարակներ, որոնց արդյունքում կարող են ախտահարվել երիկամները` սուր և քրոնիկ պիելոնեֆրիտ, միզապարկը` ցիստիտ, կարող է զարգանալ միզուկի, ամորձիների և մակամորձիների բորբոքում,
  •  քրոնիկական կոնքային ցավի համախտանիշ` պրոստատիտի, (շագանակագեղձի բորբոքում), միզուկի, միզապարկի բորբոքման արդյունքում
  •  միզասեռական համակարգի բնածին արատներ,
  •  միզասեռական համակարգի վնասվածքներ,
  •  անդրոլոգիա և տղամարդու ամլություն` կատարում ենք սեռական ոլորտի խանգարումների հոգեբանական, դեղորայքային և վիրաբուժական շտկում, ներառյալ էրեկցիայի խանգարումները և իմպոտենցիան, սերմի որակական շեղումների շտկում` պայմանավորված հորմոնալ խնդիրներով, վիրաբուժական և բորբոքային հիվանդություններով (օրինակ` երակների լայնացում կամ վարիկոցելե),
  •  կանանց ուրոլոգիա` մեր մասնագիտության այն ուղղությունն է, որի ուշադրության կենտրոնում են  կանանց ուրոլոգիական խնդիրները, կանանց անմիզապահությունը և ուրոլոգիային առնչվող կոնքի օրգանների ֆունկցիայի խանգարումները,
  •  նեյրոուրոլոգիա` միզարձակության շեղումներ` պայմանավորված նյարդային համակարգի խանգարումներով, ուրոդինամիկ հետազոտություն,
  •  երիկամի փոխպատվաստում:

ՄԵՐ ՄԱՍՆԱԳԵՏՆԵՐԸ

Մեր մասնագետները բազմիցս կատարելագործել են իրենց հմտությունները և վերապատրաստվել են Եվրոպայի և Հյուսիսային Ամերիկայի լավագույն բժշկական կենտրոններում: Զարգացած երկրներում կուտակված փորձը նրանք հաջողությամբ կիրառում են Համալիրում` ուրոլոգիական հիվանդությունների ախտորոշման, բուժման և հետվիրահատական հսկողության համար: Մեր բժիշկների հետ կարող եք անձամբ ծանոթանալ, ինչպես նաև նրանցից ստանալ սպառիչ պատասխաններ Ձեզ հուզող առողջական հարցերին, եթե այցելեք մեր Համալիրը` նախապես պայմանավորվածություն ձեռք բերելուց հետո:

Մանկական ուրոլոգիական ծառայությունը ներկայացնում են `

ara_babloyan

 

Պրոֆեսոր` Արա Բաբլոյան, 

«Արաբկիր» ԲՀ-ԵԴԱԻ-ի գիտական ղեկավար

ZN6A6674....

 

Դոցենտ` Սահակ Առաքելյան, բ.գ.թ.,

մանկական վիրաբույժ-ուրոլոգ , ծառայության ղեկավար

Poghos

 

Բժիշկ` Պողոս Գեյիկյան Ավետիսի,

մանկական-վիրաբույժ-ուրոլոգ, Ուրովիրաբուժական  բաժանմունքի վարիչ

Babloyan Sergry

 

Բժիշկ` Սերգեյ Բաբլոյան, 

Մանկական վիրաբույժ-ուրոլոգ, ՀՀ ԱՆ գլխավոր  մանկական ուրոլոգ, Արաբկիր ԲՀ-ի վիրաբուժության գծով տնօրենի տեղակալ

Lalazaryan

 

Բժիշկ` Ալբերտ Լալազարյան, 

մանկական վիրաբույժ-ուրոլոգ

file_4015_5550999

 

Դոցենտ` Կարապետ Շաքարյան, բ.գ.թ.,

մանկական վիրաբույժ-ուրոլոգ

Karlen

 

Բժիշկ` Կարլեն Ղուշչյան, 

մանկական վիրաբույժ-ուրոլոգ

no-avatar

 

Բժիշկ`  Հայկ Ղամբարյան, 

մանկական վիրաբույժ-ուրոլոգ

Nurijanyan_Gegham

 

Բժիշկ` Գեղամ Նուրիջանյան,  

մանկական վիրաբույժ-ուրոլոգ

Madosyan_Shiraz

 

Բժիշկ` Շիրազ Մադոսյան,  

մանկական վիրաբույժ-ուրոլոգ

Մեծահասակների ուրոլոգիական ծառայությունը ներկայացնում են `

no-avatar

 

Բժիշկ` Գևորգ Նազարեթյան,

մեծահասակների ուրոլոգ

ZN6A6667

Ձեռքբերումներ

Մեր ձեռքբերումները բազմաթիվ են և ներառում են ուրոլոգիայի բոլոր ոլորտները: Սակայն կա մի ոլորտ, որը գերակա է մեզ համար: Դա լապարոսկոպիկ ուրոլոգիան է, որտեղ նույնպես ունենք բազմաթիվ նվաճումներ: Լապարոսկոպիայում ունեցած մեր  փորձի շնորհիվ ուրոլոգիական վիրահատությունների գրեթե ողջ ծավալը իրականացնում ենք լապարոսկոպիկ եղանակով` կախված ցուցումներից:

Համագործակցություն

Մենք սերտորեն համագործակցում ենք հետևյալ կազմակերպությունների հետ`

  •  Անտվերպենի համալսարանական հիվանդանոց
  •  Նյու Յորքի Կոլուբիա Համալսարան, ԱՄՆ
  •  Լիոնի մոր և մանկան հիվանդանոց, Ֆրանսիա
  •  Փարիզի Նեկեր մանկական հիվանդանոց, Ֆրանսիա

Տեղեկություն հիվանդի համար 

Մանկական վիրաբույժ-ուրոլոգների հետ արտահիվանդանոցային այցելության նպատակով պայմանավորվածություն ձեռք բերելու համար խնդրում ենք զանգահարել` (+374 10) 238 526, ներքին համար` 11-49, 11-41